Presidenti i Kosovës, Hashim Thaçi, ka dekoruar Selatin Novosellën me urdhrin “Hasan Prishtina”, për shkak të kontributit të tij për vendin tonë.

“Në 75-vjetorin e lindjes dhe 55-vjetorin e veprimtarisë politike atdhetare, veprimtarin e njohur Selatin Novosella e dekorova me urdhrin ‘Hasan Prishtina’. Në këto pesë dekada, Selatin Novosella ka dhënë kontribut të vazhdueshëm pothuajse në të gjitha ngjarjet me rëndësi historike për Kosovën”.

“Republika e Kosovës dhe gjeneratat e ardhshme do u jenë mirënjohëse përjetësisht të gjithë atyre që kanë dhënë kontribut në rrugëtimin tonë të gjatë për liri dhe pavarësi”, ka shkruar Thaçi në llogarinë e vet në “Facebook”.