Ish-ministri i Drejtësisë, Selim Selimi, zyrtar i Aleancës për Ardhmërinë e Kosovës (AAK), ka thënë se hipokrizia është ajo që populli mban mend.

Selimi në një koment publikuar në “Facebook” ka reaguar ndaj asaj që ditët e fundit është përfolur shumë, për shkuarjen e kryeministrit në Kanë dhe çmimit të fustanit të vajzës së tij.

Ai ka thënë se në politikë sulmi ndaj familjes është i papranueshëm.

“Nuk është problem as fustani e as kostumi. Në politikë sulmi ndaj familjes është i papranueshëm. Problem është hipokrizia. Fatmirësisht populli mban mend”.

Selimi ka thënë se këtë retorikë e ka mbjellë pikërisht kryeministri Kurti.

“Nga shpata u ngrite, nga shpata do të biesh!”, ka shkruar Selimi duke iu referuar kryeministrit Kurti.

Shkrimi i plotë i Selimit:

Nuk është problem as fustani e as kostumi, në politikë sulmi ndaj familjes është i papranueshëm. Problem është hipokrizia. Fatmirësisht populli mban mend.

Këtë retorikë sulmi e ka mbjellur pikërisht kryeministri Kurti.

Nga shpata u ngrite, nga shpata do të biesh!