Deputeti nga Lëvizja Vetëvendosje, Rexhep Selimi, duke iu referuar fjalimit të presidentit Hashim Thaçi dje në Tiranë, ka thënë se kufijtë e Kosovës qenkan në rrezik sepse mbi një trup të shtrirë e të përkulur mund të kalojë shumëçka.

Në Samitin e Diasporës që u mbajt në Tiranë, presidenti Thaçi ka thënë se pa kaluar mbi trupin e tij, nuk do të ndryshohen kufijtë e Kosovës.

Postimi i plotë i Selimit në llogarinë e vet në “Facebook“:

Në Samitin e Diasporës që u mbajt dje në Tiranë, ‘presidenti i Kosovës’ deklaroi: “se unë nuk lejoj pa kaluar mbi trupin tim, të ndryshohet kufiri i Kosovës”. 

Pra, ai citoi një thënie popullore por me një ndryshim të vockël…

Thënia së cilës iu referua pjesërisht Thaçi thotë: “pa kaluar mbi trupin tim të vdekur…”

Siç duket Thaçi e paska pasur fjalën se “pa kaluar mbi trupin e tij të gjallë nuk ndryshohen kufijtë e Kosovës”. 

Po del se kufijtë prapë qenkan në rrezik, sepse mbi një trup të shtrirë e të përkulur, sikur ai i Thacit, kalon shumëçka..