![](https://www.epokaere.com/wp-content/uploads/2022/06/aero.png)
Sëmuret pasagjeri që po vinte në Kosovë, aeroplani nga Zvicra bën ulje emergjente
Këtë të diel, një avion i cili ishte nisur nga Bazeli dhe që kishte destinacion Prishtinën, kishte bërë një ulje emergjente në shtetin Helvetik.
Aeroplani i linjës ajrore Enter Air, duhej të bënte një ulje emergjente menjëherë pas ngritjes pasi njëri nga pasagjerët ishte sëmurë.
Gjithçka ishte gati dhe avioni Boeing 737-800 në orën 12 u nis drejt Prishtinës.
Por në vend që të ulej në kryeqytetin e Kosovës një orë e gjysmë më vonë, avioni bëri një hark dhe u kthye në Basel, njoftojnë mediat zvicerane, transmeton Telegrafi.
“Kthimi u bë sepse një prej pasagjerëve papritmas pati probleme shëndetësore që nuk i lejuan të vazhdonin fluturimin e tyre”, thanë nga departamenti i komunikimeve të aeroportit.
Aeroplani i linjës ajrore polake megjithatë u nis më vonë për në Prishtinë dhe fluturimi i dytë u realizua pa ndonjë problem, pos vones së shkaktuar nga kjo ndodhi e pazakontë.
Aeroporti shkroi se incidenti nuk kishte ndikim të mëtejshëm në operacionet e fluturimit.