Senataorja Ameriane nga rradhët e republikanëve nga Shteti Iowa, Joni Ernst u ka bërë ftesë publike grave nga Kosova që të aplikojnë në programin e bursave të Fondacionit të Mileniumit të Kosovës (MFK).

Sentorja 44 vjecare ka thënë se Kosova dhe Iowa kanë një lidhje të veçantë se është krenare që bashkëpunimi në mes të Kosovës dhe Iowas po thellohet përtej bashkëpunimit në mes të Gardës Nacionale dhe FSK-së, me fokus të ri në arsim dhe marrëveshjen në mes kolexhit të kryeqytetit Des Moines dhe Fondacionit të Mileniumit të Kosovës që synon të krijon gra lidere në fushën e energjisë.

Në këtë video , Senatorja Ernst thotë se ndihma për gratë të arrijnë barazi në vende të punës dhe sukses në ndërmarrësi është në fokus të Qeverisë Amerikane.

Ajo gjithashtu e ka përgëzuar Fondacionin e Kosovës të Mileniumit që po siguron bursa, punë praktike dhe grante në arritje të këtij qëllimi, transmeton “Gazeta Metro”.

Senatorja Ernst vitin e kaluar është zgjedhur udhëheqëse seniore e republikanëve në Senat, ndërsa tani njihet si një nga politikanet më të fuqishme në legjislativin amerikan.

Programi i stipendioneve “WE – Women in Energy” i Fondacionit të Mileniumit përkrahet nga Qeveria Amerikane dhe synon të mbulojë shpenzimet e plota për 25 gra kosovare të studiojnë në Amerikë, në fusha të ndërlidhura me sektorin e energjisë.

Konkursi për vendet e para është hapur dhe informatat gjenden në millenniumkosovo.org/womeninenergy

https://www.youtube.com/watch?v=H4kDip1B6js