Gjashtë të burgosur serbë janë vizituar nga një përfaqësues i Zyrës Ndërlidhëse të Serbisë.

Lajmin e ka konfirmuar kryediplomatja e Kosovës, Donika Gërvalla, derisa kryeministri Albin Kurti, ka thënë se “nuk i privojnë asnjëherë të burgosurit nga të drejtat e tyre”.

“Së pari nuk ekziston kurrfarë barazimi, ne konsiderojmë që edhe të burgosurit kanë të drejta… Të gjithë të burgosurit kanë të drejtë për vizita siç e parasheh ligji dhe rregullat në Republikën tonë”,  ka thënë Kurti.

Ndërsa ministrja Gërvalla tha se janë të kënaqur që e kanë lehtësuar këtë vizitë në aspektin teknik.