Serbët gjuajnë afër shtëpive të boshnjakëve të kthyer në Srebrenicë
Një incident me motive ndëretnike ka ndodhur në një fshat afër Srebrenicës.
Një furgon ka gjuajtur me armë zjarri në momentin që po kalonte në shtëpitë e të kthyerve boshnjakë në në Potoçari afër Srebrenicës.
Gjithçka ndodhi para syve të MPB-së së RS. Ngjarja raportohet se ndodhi me rastin e Krishtlindjeve Ortodokse, kur serbët vendas parakaluan automjetet e tyre në rrugën Bratunac-Srebrenicë të shtunën pasdite.
“Me armë zjarri janë gjuajtur nga një furgon i cili ishte në një kolonë automjetesh nën përcjelljen e MPB-së së RS në momentet kur automjetet po kalonin pranë shtëpive të të kthyerve boshnjakë në Potoçari afër Srebrenicës”, shkruan mediumi boshnjak i BeH-së IstgragaB.
Siç është konfirmuar për IstragaB arma e zjarrit nuk është qëlluar në drejtim të shtëpisë, por plumbat janë qëlluar në ajër. Gjithçka ndodhi me rastin e Krishtlindjeve Ortodokse, kur serbët vendas parakaluan automjetet e tyre në rrugën Bratunac-Srebrenicë të shtunën pasdite.
Sipas raportimeve, personat e dyshuar që shihen në video janë arrestuar.
I menjëhershëm ishte reagimi i serbëve, të cilët u mblodhën para stacionit policor duke kërkuar lirimin bashkëkombësve të tyre.
Pas arrestimit të dy të dyshuarve që filluan të qëllonin kur kalonin pranë një shtëpie të të kthyerve boshnjakë, kleri ortodoks serb mblodhi një turmë me flamuj serbë jashtë stacionit të policisë lokale në një përpjekje për t’i bërë presion policisë për t’i liruar ata.
Kryetari nacionalist serb i Srebrenicës Mladen Grujiçiç i është bashkuar gjithashtu turmës për të fajësuar mediat e nivelit shtetëror të BiH dhe drejtorit të Qendrës Përkujtimore të Srebrenicës Emir Sulajgic për nxitjen e një skandali.
