Kryeministri i Shqipërisë, Edi Rama me anë të një postimi në llogarinë e vet në “Twitter” në gjuhën shqipe dhe në serbisht i ka bërë thirrje Aleksandër Vuçiqit që të ngre traunë sa u përket kamionëve në këtë situatë të krijuar nga koronavirusi.

Sipas Ramës vetëm me solidaritet mund të mposhtim armikun e përbashkët

“Ngrijeni atë tra, le ta bëjmë rajonin shembull solidariteti”, thuhet ndër të tjera në mesazhin e Ramës drejtuar Vuçiqit.
“Prej 24h kamionët me mallra nga Kosova janë bllokuar në kufirin e Serbisë! Linja e Gjelbërt në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi! Vetëm përmes solidaritetit pa kufi e kompasionit si njerëz të sulmuar nga një armik i egër, ne mund e duhet të fitojmë! Ju lutem z. rresident ngrijeni traun për kamionët e le ta bëjmë rajonin tonë shembullin rrezatues të Solidaritetit kaq të nevojshëm për ta fituar luftën”, ka shkruar Rama.