Profesori universitar Milazim Krasniqi ka thënë se Serbia e ka humbur luftën përballë NATO-s në Kosovë.

Ai ka shkruar në “Facebook” se për ta rikthyer Kosovën nën pushtimin serb, i duhet të luftojë prapë me NATO-n.

Profesori Krasniqi ka theksuar se qeveritarët tanë nuk duhet ta përhapin propagandën serbe.

“Serbia e ka humbur luftën përballë NATO-s në Kosovë. Ka nënshkruar kapitullimin më 9 qershor 1999, me Marrëveshjen Ushtarake-Teknike. Për ta rikthyer Kosovën nën pushtimin serb, i duhet të luftojë prapë me NATO-n. Kërcënimet për rikthimin e ushtrisë serbe në Kosovë janë propagandë. Nga Serbia mund të ketë sërish aksione terroriste, por jo agresion ushtarak. Qeveritarët tanë nuk duhet ta përhapin propagandën serbe”, ka shkruar Krasniqi.