Serbia dhe Republika Srpska në Bosnje e Hercegovinë kanë marrë vendim për shënimin e një dite që prek drejtpërdrejt atë se çka ndodhi në BeH nga vitit 1992 deri në vitin 1995. Ata si shenjë provokimi, vendosën që kohën e luftës që Serbia bëri atje, ta kujtojnë me ushtri, e duke u fshehur pas termit ‘kryengritje’.

Kështu, Ambasada e Republikës Serbe në Bosnje dhe Hercegovinë do të organizojë kremtimin e Ditës së Shtetësisë Serbe dhe Ditës së Ushtrisë Serbe më 13 shkurt në hotelin Hills në Ilixha. Sipas ftesave të dërguara për të ftuarit, eventi do të zhvillohet nga ora 18:00 deri në 20:00.

Ftesat janë nënshkruar nga ambasadori serb në BeH, Ivan Todorov, ndërsa si mikpritës do të marrë pjesë edhe i dërguari i mbrojtjes i Republikës së Serbisë në BeH, Milan Dulanoviq.

Dita e shtetësisë serbe festohet më 15 shkurt, e njohur edhe si ‘Sretenje’, në kujtim të Kryengritjes së Parë Serbe në 1804.

Megjithatë, në të ashtuquajturën Asamble Gjithëserbe të mbajtur në qershor të vitit të kaluar, u ra dakord që dita e shtetësisë së Serbisë të festohej edhe si dita e “shtetësisë” së entitetit së RS.

Ky vendim ofron një kontekst shtesë për ngjarjen e ardhshme, veçanërisht në dritën e aspektit të theksuar ushtarak dhe rolit të Serbisë, ose më mirë të ushtrisë së saj, gjatë luftës në Bosnje dhe Hercegovinë nga viti 1992 deri në vitin 1995.

Përkujtimi sigurisht që do të tërheqë vëmendjen e publikut duke pasur parasysh simbolikën politike dhe historike që mbart, veçanërisht në kontekstin e marrëdhënieve midis BeH dhe Serbisë.