Sergi Roberto është larguar nga Barcelona pas 14 sezonesh. Kontrata e 32-vjeçarit skadoi në fund të qershorit, por deri më tani nuk ishte marrë asnjë vendim për të ardhmen e tij.

Roberto hyri në akademinë e Barçës në La Masia dhe bëri debutimin e tij me ekipin e parë në 2010.

Ai ishte heroi i pamundur i rikthimit mahnitës të Barcelonës 6-1 për të mposhtur Paris Saint-Germain në 1/16 e Ligës së Kampionëve në vitin 2017, duke shënuar golin përfundimtar dhe vendimtar pasi skuadra franceze fitoi 4-0 në ndeshjen e parë.

“Pas 373 ndeshjeve, 25 trofeve dhe një goli të paharrueshëm, futbollisti që mbërriti në La Masia në moshën 14-vjeçare po largohet nga klubi”, thuhet në një deklaratë të Barcelonës.

Sergi Roberto shënoi 19 herë për Barcelonën dhe fitoi dy Liga të Kampionëve dhe shtatë tituj të La Ligës, mes fitoreve të tjera.