Manchester City ka njoftuar për marrëveshjen me Anderlechtin për Sergio Gomezin, i cili ka nënshkruar për katër vjet. 21-vjeçari spanjoll bashkohet nga Anderlechti, me mbrojtësin e majtë që ka bërë 49 paraqitje për klubin belg gjatë sezonit 2021-2022.

Sergio e filloi karrierën te të rinjtë e Barcelonës përpara se të largohej nga klubi katalanas për t’u bashkuar me skuadrën e Bundesligës, Borussia Dortmund, në fillim të vitit 2018.

Ai më pas kaloi dy sezone përsëri në Spanjë në huazim te Huesca duke e ndihmuar klubin ta fitonte promovimin në La Liga në fund të sezonit 2019/20 përpara se të bashkohej me Anderlechtin në verën e 2021-s. Gomezi kishte një sezon të shkëlqyer individual nën drejtimin e ish-trajnerit të Anderlecht, Vincent Kompany.