Klubet e Ligës Premier dhe EFL janë të shqetësuar se lojtarët që refuzojnë të marrin vaksinën COVID-19 mund të prishin fillimin e sezonit.

Sezoni EFL do të nisë të Premten, kur Bournemouth takohet si vendas me West Bromin në Championship, dhe Liga Premier fillon një javë më vonë.

Sidoqoftë, vetëm pak ditë para se të kthehet futbolli, klubet janë të shqetësuar për ngurrimin e lojtarëve që të vaksionohen ndaj coronavirusit.

Disa lojtarë ende po refuzojnë të bëjnë vaksinimin dhe sipas The Sun, për shkak të preferencave personale ose për shkak të besimit të tyre, gjë që po shkakton ndasi në disa dhoma të zhveshjes.

Një klub Championship thuhet se është detyruar të izolojë lojtarët pasi një lojtar, i cili nuk ishte vaksinuar, rezultoi pozitiv me coronavirus.

Një burim i tha gazetës: “Ne e dimë që njerëzit do të kenë pikëpamjet dhe arsyetimet e tyre, por kjo po shkakton përçarje”.

“Kjo do të thotë që njerëzit duhet të izolohen dhe po shkakton prishje të mëdha në planifikimin tonë me sezonin që fillon në një javë”.

Planet para sezonale të Manchester United u goditën në fillim të kësaj jave kur disa lojtarë dhe stafi i regjistruar kishin rezultuar pozitiv në testet e bëra.

Kjo do të thotë që klubi anuloi miqësoren e tyre me Preston North End, që do të thotë se ata kanë vetëm katër miqësore para sezonit. Testet PCR më pas dëshmuan se asnjë nga lojtarët ose stafi nuk kishin rezultuar pozitivë.

Sipas burimeve, një lojtar i Ligës Premier nuk ishte në gjendje të përfundonte një transferim këtë javë për shkak të një testi pozitiv të COVID-19.

Një lojtar tjetër nuk mund të përfundojë bisedimet për kontratën për të njëjtën arsye, pasi coronavirus vazhdon të ndikojë në futboll pas një viti plus pa tifozë në stadiume.

Nga 16 gushti rregullat do të ndryshojnë në Angli, që do të thotë se ata që janë të vaksinuar plotësisht do të duhet të raportojnë vetëm teste negative në mënyrë që të shmangin izolimin.

Megjithatë muajin e kaluar u raportua se nga tetori, lojtarët, stafi dhe tifozët mund të duhet të vaksinohen dy herë për të marrë pjesë në ndeshje.