193 rekrutë po vazhdojnë trajnimin e tyre t’u bërë ushtarë të Kosovës, ndërsa ky rrugëtim ka edhe sfidat e veta.

Ashtu siç thoshte edhe udhëzimi, ishte rregulluar dhoma. Ani pse ishin orët e para të mëngjesit, rekrutët e ri të FSK-së nuk gjendeshin brenda.

Ata kishin filluar ushtrimet fizike në hapësirat  e jashtme, ne qendrën e FSK-së  në Ferizaj.

Gjithçka ndodhte nën monitorimin e inspektorëve profesionistë, të cilët kërkonin që çdo ushtrim të realizohet me përpikëri.

Sado që jo lehtë për tu bërë këo ushtrime, lodhja nuk kishte vend.

Kështu 193 rekrutët e rinj të ndarë në 5 toge, përfunduan edhe ushtrimin e parë  për këtë ditë. Pas tij, ishte koha të veshin uniformën e Ushtrisë së Kosovës, e në dorë të marrin armët.

Secili prej tyre pret në radhë që përveç uniformës, të marrë edhe paisjet e tjera.

Kur dalin në oborr, kontrollohen në detaje nga eproret e tyre, nëse gjithçka është në rregull. E ata që nuk kishin realizuar 100% atë që iu kërkohej, nuk e kishin lehtë.

Kështu ushtarët e rinj u nisën edhe për ushtrimin e dytë për këtë ditë. Kamuflimi me idenë që të mos dallohen nga armiku potencial, ishte qëllimi i ushtrimit të dytë.

E deri sa po u jepeshin instruksionet se si duhet vepruar në teren, rekruti  Halil Zabeli tregon se çka po ju kërkohet aty.

Por cili ishte motivi që e kishte shtyer Zabelin të bëhet ushtar i Kosovës.

E si po trajnohen këta rekrutë dhe sa janë të kënaqur instruktorët me përgatitjen e tyre, flasin vetë ata.

Kështu filloi edhe trajnimi. Pozicionimi, qetësia , mbajtja e armës… gjithçka po shpjegohej.

Edhe pse kishin vetëm 3 javë në trajnim, ishte vështirë të dalloheshin se nuk ishin ushtarë profesionistë.

Pas pjesës malore, trajnimi i kamuflimit u bë edhe në pjesët fushore.

Këtë shumë mirë po e bënte edhe rekrutja Dafina Kransiqi. Rrjedhën e gjithë kësaj, ajo e rrëfen më hollësisht. Dafina ka edhe një mesazh për vajzat.

Më pas, erdhi edhe koha për ushqim.

E rrugën drejt menses e bëjnë në këtë mënyrë. Por këtë togë brenda nuk e priti një lajm i mirë.

Ata kishin kohë vetëm 5 minuta të ushqehen. E idenë e këtyre minutave të pakët për procesin e të ushqyerit, e shpjegon majori Sejdi Ahmeti..

Ai tregon po ashtu se jo të gjithë ia dalin të bëhen ushtarë.

Rekrutët pritet të diplomojnë në dhjetor të këtij viti.

Për ta shikuar storien e plotë, klikoni këtu.

Gazetar: Unitet Berisha/express