Kandidati i Nisma’s për deputet, Endrit Shala ka njoftuar se sonte me kryetarin e kësaj partie, Fatmir Limaj dhe kandidatin për deputet, Vesel Krasniqi kanë takuar qytetarët e lagjes “Hani i Dilit” në Prishtinë.

Ai tha se në këtë takim kanë diskutuar për sfidat dhe mundësitë për Kosovën.

“Diskutuam për sfidat dhe mundësitë për Kosovën tonë, e cila është një vend me potencial të jashtëzakonshëm që kërkon veprime konkrete për zhvillim ekonomik dhe mirëqenie për të gjithë. Prishtina, si zemra e Kosovës, mbetet pikënisja e çdo ndryshimi pozitiv.

Frymëzuar nga bashkëbisedimi i sotëm, mbetemi të përkushtuar për të sjellë zgjidhje reale dhe për të ndërtuar një Kosovë më të fuqishme dhe më të drejtë”, shkroi Shala në Facebook.