Kandidati për deputet i Partisë Demokratike të Kosovës (PDK), Ferat Shala, ka falënderuar banorët e Pollushës për mbështetjen e dhënë për zgjedhjet e 9 shkurtit.

Ai ka thënë se “falë Zotit dhe luftës çlirimtare, na bashkon një thirrje tjetër – thirrja për një Kosovë më të mirë”.

“Në fshatin e Shaban Polluzhës, aty ku kushtrimit gjithmonë i janë përgjigjur atdhetarët më të devotshëm të kësaj ane. Sot, falë Zotit dhe luftës çlirimtare, na bashkon një thirrje tjetër – thirrja për një Kosovë më të mirë. Faleminderit që mbështesni vizionin e PDK-së dhe kandidaturën time për deputet!”, ka shkruar Shala në “Facebook”.