Deputeti i Partisë Demokratike të Kosovës (PDK), Ferat Shala, ka reaguar pas zhvillimeve të fundit në veri, veçmas për raportet ShBA-Kosovë.

Ai ka thënë se miqësia me ShBA-në është produkt i djersës,  mundit dhe sakrificës të shumë brezave.

“Miqësia me ShBA-në është produkt i djersës, mundit e sakrificës të shumë brezave, i gjakut të UÇK-së. Kushdo që e cënon këtë miqësi të shenjtë, shkel mbi këtë mund e gjak, dhe tradhëton amanetin e të gjithë dëshmorëve të rënë për lirinë e Kosovës”, ka shkruar Shala në “Facebook”.