Ashtu edhe siç pritej, finalja basketbollistike e Lojërave Olimpike i ka takuar amerikanëve.

Yjet e NBA e kanë bërë detyrën, duke mposhtur lehtësisht nikoqirin e Olimpiadës, me rezultat 98-87, transmeton klankosova.

Basketbollisti më i dalluar i kësaj përballje ishte Stephen Curry me 21 pikë, i ndihmuar nga Kevin Durant që realizoi 15 e Lebron James 14. Nga ana tjetër më së shumti pikë në ndeshje shënoi francezi i San Antonio Spurs, Victor Wembanyama, 23 sosh.

Amerikanët çerekun e parë e fituan me rezultat 20-15 kurse të dytin 29-26 për të shkuar në pushim me tetë pikë diferencë, 49-41.

Të vetmen periudhë që francezët arritën ta kalojnë kundërshtarin, ishte e treta, 25-23. Megjithatë pretendimi për të bërë diçka më shumë, ishte thuajse i pamundur, pasi ShBA-të ngriteshin menjëherë në rezultat. Edhe çerekun e fundit e fituan amerikanët 26-21.

Që nga fillimi i Lojërave Olimpike “Paris 2024” e deri në fund, vetëm një emër përmendej për medaljen e artë, ShbA, të cilët triumfuan në të dyja kategoritë (meshkuj dhe femra).