Shtetet e Bashkuara të Amerikës kanë hedhur poshtë pretendimet e bëra nga Venezuela se CIA kishte komplotuar për të vrarë presidentin e tyre, Nicolas Maduro dhe zyrtarë të tjerë të lartë.

Tre shtetas amerikanë, dy spanjollë dhe një shtetas çek janë arrestuar nën dyshimin për komplot për të destabilizuar vendin, tha ministri i Brendshëm, Diosdado Cabello, raporton BBC.

Duke i quajtur të arrestuarit “mercenarë”, Cabello pohoi se CIA “po drejton operacionin” dhe se qindra armë ishin sekuestruar.

ShBA hodhi poshtë pretendimet, të cilat vijnë pasi Uashingtoni vendosi 16 zyrtarë të lartë të qeverisë nën sanksione, si “kategorisht të rreme”.