Administrata amerikane ka bërë me dije se planifikon të lejojë vetëm 18 000 refugjatë të strehohen në Shtetet e Bashkuara, në vitin fiskal 2020. Ky është numri më i ulët në historinë e programit të refugjatëve.

“Barra aktuale për sistemin e imigracionit amerikan duhet të lehtësohet para se të jetë përsëri e mundur të pranojmë një numër të madh të refugjatëve”, ka njoftuar Departamenti i Shtetit, në një deklaratë.

Në të njëjtën kohë, presidenti Donald Trump, ka lëshuar një urdhër ekzekutiv duke thënë se administrata e tij, do të kërkonte miratimin e qeverive shtetërore dhe lokale për të sistemuar refugjatët në komunitetet e tyre.

Çështja e emigrantëve ka qenë ndër prioritetet kryesore të presidentit amerikan, Donald Trump, që nga marrja e detyrës në janar të vitit 2017.

Një nga aktet e tij të para pas marrjes së detyrës ishte lëshimi i një urdhri që lejonte numrin maksimal të refugjatëve atë vit në 50 000, më pak se gjysma e numrit që ish-presidenti Barack Obama, kishte caktuar disa muaj më parë.