Departamenti i Shtetit në Amerikë ka aprovuar shitjen e bombave në vlerë prej 290 milionë dollarëve për Arabinë Saudite në javët e fundit të administratës Trump.

Agjencia për bashkëpunim në mbrojtje e Departamentit të Shtetit ka njoftuar miratimin e shitjes së municioneve të bombave të vogla GBU-39 dhe pajisjeve tjera për Arabinë Saudite të martën.

Në të njëjtën ditë, agjencia njoftoi për miratimin e shitjes së helikopterëve prej 4 miliardë dollarësh për Kuvajtin, pajisjeve mbrojtëse kundër sulmeve raketore për aeroplanin e presidentit egjiptian Abdel Fattah al-Sisi në vlerë prej 104 milionë dollarëve dhe 65.6 milionë dollarë pajisje për aeroplanët egjiptianë.

Kritikët e shitjes kanë akuzuar pushtetin se po ngutet me vendimin pavarësisht kundërshtimeve publike për përkrahje ushtarake, pasi organizatat e të drejtave të njeriut kanë regjistruar shumë shkelje në Arabinë Saudite dhe Emiratet e Bashkuara Arabe.