Policia e Kosovës ka pranuar shtatë dronë si donacion nga Qeveria e Shteteve të Bashkuara të Amerikës (ShBA).

Në një konferencë për medie ku është zyrtarizuar donacioni, ambasadori i ShBA-së, Jeffrey Hovenier është  shpreh i lumtur me një zhvillim të tillë.

“Jam shumë i lumtur që jam sot këtu, bashkë me juve, në këtë ceremoni për zyrtarizimin e një donacioni nga qeveria amerikane të shtatë sistemeve fluturake pa pilotë për Policinë e Kosovës”, ka thënë ai.

Më tutje, Hovenieri është shprehur se këto sisteme fluturake, do të jenë jetike për zbatimin e ligjit në Kosovë.

“Duke marrë parasysh shkallën e veprimtarisë kriminale të grupeve të krimit të organizuara, këto sisteme do të jenë jetike për zbatimin e ligjit në Kosovë”, ka thënë Hovenieri.