ShBA-ja konfirmon vrasjen e nëntë shtetasve amerikanë në Izrael
09 tetor 2023
| 15:00
Nëntë qytetarë amerikanë janë vrarë në Izrael. Kështu ka bërë me dije Shtëpia e Bardhë, përderisa luftimet mes forcave izraelite dhe militantëve të Hamasit po vazhdojnë.
“Ne shprehim ngushëllime për familjet e viktimave dhe të gjithë të prekurve dhe të plagosurve u urojmë shërim të shpejt”, është thënë në njoftimin e Shtëpisë së Bardhë.
Mbi 700 persona janë vrarë në Izrael dhe mbi 500 në Gaza, që kur grupi militant palestinez Hamas, ka nisur sulme masive ndaj Izraelit më 7 tetor. Po ashtu, është raportuar se militantët e Hamasit kanë zënë dhjetëra pengje izraelite.