Drejtuesit e senatit amerikan kanë arritur një marrëveshje me zyrtarët e administratës së presidentit Donald Trump, për një paketë stimuluese gati 2 trilionë dollarë, për ta ndihmuar ekonominë amerikane që po shkatërrohet nga pandemia e koronavirusit.

Sipas mediave të huaja, përcjell Telegrafi, pas disa ditësh bisedime midis senatorëve dhe zyrtarëve të administratës, u arrit një kompromis dypartiak dhe pritet të jetë masa më e madhe stimuluese ekonomike e SHBA-së e kaluar ndonjëherë.

“Ne kemi një marrëveshje”, tha Eric Ueland, drejtor i çështjeve legjislative të Shtëpisë së Bardhë, pak para orës 1 të mëngjesit, duke shtuar se teksti i projektligjit ende duhej të përfundonte.

“Ne kemi një tekst legjislativ, të qartë, i cili reflekton të gjitha palët”, ka shtuari ai.