Doganat e Shteteve të Bashkuara kanë nisur të mbledhin tarifën prej 10 për qind të vendosur nga presidenti Donald Trump, ndaj të gjitha importeve të shumë shteteve, përfshirë nga Kosova.

Ndërkaq, tarifat më të larta për mallrat nga 57 partnerët më të mëdhenj tregtarë të SHBA-së do të nisin që të zbatohen javën e ardhshme.

Vendimi për tarifën fillestare bazë prej 10 për qind nisi së zbatuari në portet detare, aeroportet dhe magazinat doganore të SHBA-së në orën 12:01 të mëngjesit (06:00, sipas kohës lokale në Kosovë), raporton Rel.

Kosova është në mesin e vendeve që u është vendosur tarifë bazë prej 10 për qind për importe nga Trump më 2 prill.