Mediumi i njohur “Al Jazeera” ka raportuar se Alexander Kasanof nuk do të jetë më zëvendësndihmës-sekretar për Ballkanin Perëndimor.

Sipas “Al Jazeeras”, Collen Hyland do të zëvendësojë Kasanofin. Hyland deri më tani ka udhëhequr Drejtorinë për çështjet e Evropës Qendrore dhe Jugore.

Sipas raportimit, nuk dihet nëse ky ndryshim është i përkohshëm apo afatgjatë.

Hylandi është diplomate me eksperiencë që ka punuar në disa misione diplomatike të SHBA-së, përfshirë edhe atë në Kosovë, ku ishte zëvendësambasadore në periudhën 2016-2019.

Ajo flet edhe gjuhën shqipe.

Deri tash në këtë post ka qenë Kasanofi që nga korriku i vitit 2024. Ai pati zëvendësuar Gabriel Escobarin.