Rritet sërish numri i të vdekurve nga koronavirusi në Shtetet e Bashkuara të Amerikës. Në 24 orët e fundit, sipas të dhënave të Universitetit “Johns Hopkins”, nga ky virus kanë vdekur 2 502 persona.

Vihet re një shifër në rritje në raport me një ditë më parë kur vdiqën 2 200 të prekur nga Covid-19.

Me këto shifra shkon në 61 669 numri i viktimave që nga nisja e pandemisë në Amerikë.

Presidenti amerikan Donald Trump shpreh bindjen se “pasja e vaksinës është diçka e madhe, por do të arrijmë në normalitet në çdo rast. Natyrisht duhet të presim që virusi të ikë dhe do të ikë”.