Kryeministri i Republikës së Kosovës, Albin Kurti, ka pritur të martën në takim shefin e Zyrës së Bashkimit Evropian në Kosovë (BE), ambasadorin Aivo Orav.

Gjatë takimit, ambasadori Orav ka vlerësuar pozitivisht procesin zgjedhor të 9 shkurtit, duke e cilësuar atë si të rregullt dhe pa incidente dhe theksoi se pozitivisht është vlerësuar edhe nga Brukseli.

Ambasadori Orav e ka uruar kryeministrin për fitoren dhe rezultatin në këto zgjedhje.

Bashkë, diskutuan për hapat e mëtejmë drejt konstituimit të Kuvendit dhe formimit të Qeverisë së re të Republikës së Kosovës.

Gjithashtu, në takim është diskutuar edhe për domosdoshmërinë e heqjes së masave ndaj Kosovës nga Bashkimi Evropian dhe nevojën për shqyrtim sa më të shpejtë të aplikimit të Kosovës për anëtarësim në BE.