Shefi i Zyrës së Bashkimit Evropian (BE) në Kosovë, Tomas Szunyog, ka thënë se edhe pas pesë vjetësh që kur Gjykata Kushtetuese ka vendosur për tokën e Manastirit të Deçanit, vendimi nuk po zbatohet.

“Më vjen keq që pesë vjet kur Gjykata Kushtetuese mori vendim për mosmarrëveshjen e tokës në Deçan, vendimi ende nuk po zbatohet. Kosova mund të ecë përpara vetëm duke mbështetur sundimin e ligjit si një parim themelor demokratik”, ka shkruar ai në llogarinë e vet në “Twitter”.

I regret that 5 years since the Constitutional Court ruled on land dispute in #Decan/i, the ruling is still not being implemented. Kosovo can move forward only by upholding the rule of law as a fundamental democratic principle. pic.twitter.com/wpJVhnkmmi

— Ambassador Tomáš Szunyog (@EUAmbKS) May 19, 2021

Gjatë ditës së djeshme, ministrja e Punëve të Jashtme dhe Diasporës, Donika Gërvalla dhe ai i Kulturës, Rinisë dhe Sportit, Hajrulla Çeku, i kanë dërguar letër presidentit ekzekutiv të “Europa Nostra”-s në lidhje me përfshirjen e Manastirit të Deçanit në listën e monumenteve më të rrezikuara në Evropë.