Shefi i Zyrës së Bashkimit Evropian (BE) në Kosovë, Tomas Szunyog, ka njoftuar se të enjten ka takuar juristen e medias, Flutura Kusarin.

Szunyog në “Twitter”, ka shkruar se nga Kusari ka dëgjuar shqetësimet e saj për kërcënimet e vazhdueshme dhe fushatën që po i bëhet në rrjete sociale.

“Takova dhe dëgjova Flutura Kusarin, si dhe shqetësimet e saj për kërcënimet e vazhdueshme dhe fushatën e njollosjeve ndaj saj në rrjete sociale”, ka shkruar ai.

Në këtë kontekst, ai ka thënë se “BE-ja ndjek nga afër mjedisin e mediave dhe të drejtat e gazetarëve në Kosovë”.

Vlen të theksohet se Kusari para disa ditësh është sulmuar me një koment seksist nga analisti Rron Gjinovci, përkrahës i Lëvizjes Vetëvendosje.

Met & listened to @fluturakusari & her concerns about continuous threats & smear campaign against her in social media. The EU follows closely the media environment& the rights of journalists in 🇽🇰 .Free & independent media are essential part of a democratic society.

— Ambassador Tomáš Szunyog (@EUAmbKS) July 6, 2023