Besart Berisha ka vazhduar me sukses në kampionatin australian. Sulmuesi nga Kosova ka qenë edhe njëherë vendimtar për skuadrën e tij Melbourne Victory.

Në çerekfinalen e kampionatit australian, Melbourne u takua me Adelaide United dhe triumfoi 2-1.

Adelaide ishte në epërsi 0-1, por Melbourne barazoi shpejtë nëpërmjet George për 1-1. Në minutën e 89, në skenë doli Besart Berisha për të shënuar golin e fitores dhe për t’i siguruar skuadrës së tij gjysmëfinalen. Berisha realizoi gol fantastik me gërshërë duke sjellë gëzim të madh në stadium. Në ndeshjen gjysmëfinale, Melbourne Victory takohet me Sydney.