Sot në Drejtorinë e Përgjithshme të Shërbimit Korrektues të Kosovës ka përfunduar aksioni i dhurimit vullnetar të gjakut me moton “dhuro gjak, shpëto jetë”.

Ky aksion është organizuar nga Qendra Kombëtare për Transfuzion të Gjakut dhe Shërbimi Korrektues i Kosovës (ShKK), në të cilin vullnetarisht kanë dhuruar gjak kadetët, oficerët, shërbyesit civilë dhe drejtori i përgjithshëm i ShKK-së, Nehat Thaçi.

Nga 6 maji deri më sot aksioni është zhvilluar në të gjitha qendrat korrektuese, ato të paraburgimit dhe Drejtorinë e Përgjithshme të ShKK-së.

ShKK-ja tashmë e ka bërë traditë organizimin e aksionit humanitar për dhurimin e gjakut me moton “dhuro gjak, shpëto jetë”.

/Epoka e re/