Shefi i grupit parlamentar të Nismës Socialdemokrate, Bilall Sherifi, ka kërkuar përfshirjen e Shteteve të Bashkuara të Amerikës (ShBA) në dialogun me Serbinë.

Po ashtu Sherifi ka kërkuar formimin e një ekipi të përbashkët për dialog i cili do të përbehet nga të gjitha partitë politike parlamentare.

Ai ka thënë se delegacioni i Kosovës në dialog duhet të kërkojë nga Serbia respektimin e vendimit të Gjykatës Ndërkombëtare të Drejtësisë, e cila ka konstatuar se shpallja e pavarësisë së Kosovës është në përputhje me të drejtën ndërkombëtare

Më tutje, Sherifi ka thënë se asnjë marrëveshje me Serbinë nuk duhet të nënshkruhet pa u debatuar paraprakisht në Kuvendin e Kosovës.

/Epoka e re/