Alen Sherri në verë bëri hapin e madh në karrierë, duke u transferuar nga Egnatia te Cagliari në Seria A. Portierit shqiptar iu desh një periudhë ambientimi te skuadra italiane, duke qëndruar në stol në pjesën e parë të sezonit, për të shpërthyer më pas, duke filluar të luajë si titullar në skuadrën sarde.

Sherri ka thyer hierarkitë dhe ka 6 ndeshje që luan si titullar te Cagliari në Serinë A. Trajneri Nicola ka bërë zgjedhjen e tij dhe tashmë Simone Scuffet, që ka humbur vendin e titullarit, mund të shitet që në merkaton e janarit.

Napoli ka shfaqur interes për portierin, që i ka dorëzuar portën e Cagliarit shqiptarit Alen Sherri. Një hap i rëndësishëm për portierin shqiptar që dalë nga dalë do të fitojë pozitën e titullarit edhe në Kombëtaren tonë.