Me katër vota për e dy abstenime Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit ka votuar për shkarkimin e Blerta Deliu-Kodrës, si anëtaren e Komisionit për Kompensimin e Viktimave të Krimit.

Deliu-Kodra, ka thënë se ministrja Albulena Haxhiu e ka bërë një linçim publik në lidhje më të kur ka folur në një televizion duke e quajtur “hajneshë”.

“Ky diskutim nuk do të kishte me ndodh nëse ministrja nuk do të dilet në një linçim publik para së me sjell një raport në kuvend. Ministrja ka zgjedhur e para të ju drejtohet mediave për të më linçuar si hajneshë në opinionin publikë dhe pastaj të vije raportimi në Komision. Më vjen keq kjo po shihet së është vetëm tendencë personale. Nëse sot vini dhe thoni që Rozeta Hajdari nuk është fajtore, ti je fajtore. Unë jam turpëruar prej një interviste”, ka thënë ajo.

Ndërsa ministrja Haxhiu, ka thënë se  duhet që t’i vjen turp deputetes dhe të kërkojë falje për këtë, sipas saj ajo duhet t’i kthej ato para që ka marrë pa shkuar në Komision fare.

Haxhiu ka thënë se nuk e ka përdorur termin “hajneshë” në atë intervistë.

“Unë mendoj që ajo as një cent se ka keqpërdoruar për dallim prej teje. Turpërohu për veprimet tuaja. Po të isha në vendin tënd do të deklarohesha publikisht. Për besë nuk besoj kurrë që e kam përdorur termin hajn apo hajneshë. E vazhdoj debatin në gjykatë. Mediet i ftoj që të jenë edhe në seancën gjyqësore. Po të isha në vendin tënd do të kërkoja do ta ktheja buxhetin që është i shteti dhe jo i yti”, ka thënë Haxhiu. /EO