Policia e Kosovës ka arrestuar sot në Pejë djalin e një këngëtari të njohur në Kosovë për mosrespektim të dispozitave që parasheh legjislacioni i Kosovës për mbrojtje nga koronavirusi(COVID-19).

Sipas Prokurorisë Themelore në Pejë, i dyshuari G.Sh. është ndaluar për 48-orë nën dyshimin se me hapjen e lokalit të tij, ka vepruar në kundërshtim me vendimet e Qeverisë së Kosovës.

“Prokurorja kujdestare konfirmoi se sot është ndaluar i dyshuari për 48-orë për arsye se me veprimet e tij ka rënë në kundërshtim me vendimet e qeverisë”, ka thënë Shkodran Nikçi, zëdhënës i Prokurorisë Themelore në Pejë.