Klubi Futbollistik “Shkëndija” nga Hajvalia e Prishtinës, është shpallur kampion i Ligës së Dytë.

Kështu është bërë e ditur në faqen zyrtare të klubit. KF “Shkëndija” e cila ka kryetar klubi biznesmenin Rrustem Pacollin ka fituar ndeshjen e fundit ndaj “Rilindjes”, me rezultat 3:1 dhe me ketë fitore pas rënditjes si i pari i Ligës së Dytë duke u inkuadruar në një rang më lartë.
Klubit “Hajvalia”, kupën e vendit të parë ia ka nda drejtori i Sportit në komunën e Prishtinës, Granit Rugova.

Njoftimi i plotë i K.F. “Shkëndija”

Zyrtarisht shpallemi kampion në Ligën e Dytë dhe inkuadrohemi në Ligën e Parë.

Me fitoren e sotme me rezultat 3-1 kundër Rilindjes përmbyllëm një super rrugëtim.

Kjo ishte fitorja e 22 radhazi dhe kështu përmbyllim një sezonë fantastike.

Ky ekip sot e shkroi historinë.

Sa krenar që jemi me këtë super ekip, këtë djem e këtë organizim.

Faleminderit të gjithëve për përkrahjen.

Urime të gjithëve titulli kampion.