Vërshimet kanë lënë gjithashtu mijëra persona të plagosur në aksidente të lidhura me përmbytjet në të gjithë Pakistanin.

Një emergjencë kombëtare është shpallur në vend, me kryeministrin Shehbaz Sharif që u bëri thirrje partnerëve ndërkombëtarë për ndihmë.

Ekspertët kanë fajësuar krizën klimatike për numrin jashtëzakonisht të lartë të cikleve të shiut muson, shkruan Euronews dhe Independent, transmeton Klankosova.tv.

Zyrtarët e menaxhimit të fatkeqësive thanë se reshjet mesatare të shiut këtë vit kanë qenë gati tre herë më shumë se mesatarja në 30 vitet e fundit.

Mijëra persona janë lënë të pastrehë dhe miliona të tjerë kanë humbur aksesin në energji elektrike.