Shoqata “22 Nëntori”, në Maqedoninë e Veriut, gjegjësisht në Manastir, vazhdon punën me shumë përkushtim në ruajtjen e vlerave shqipare, si dhe në promovimin e figurave më të spikatura që kanë lënë gjurmë në historinë shqiptare.

Kjo shoqatë e udhëhequr nga Sibela Alimovska, vazhdon të promovojë hartuesit e alfabetit shqip, si dhe të gjithë ata që kanë lënë gjurmë në arsimimin dhe emancipimin e popullit shqiptar.

“Misioni ynë është që të ruajmë traditën tonë shqiptare, t’i promovojmë figurat atdhetare që kanë lënë gjurmë në historinë kombëtare, si dhe të bashkojmë spektrin shqiptar kudo, duke u dhënë mesazh kështu gjeneratave të reja”, ka thënë Alimovska për gazetën “Epoka e re”.