Nysrete Kumnova, kryetare e shoqatës “Thirrjet e Nënave” ka reaguar pas konfirmimit të akuzave ndaj, Hashim Thaçit, Kadri Veselit, Jakup Krasniqit dhe Rexhep Selimit.

Kumnova ka thënë që kanë qenë duke pritur arrestimet e krimineleve serbë e jo ushtarëve të UÇK-së.

“Na si familjare dhe si çdo qytetarë nuk i mirëpritem arrestimet e njerëzve tonë, na po presim që do të arrestohen kriminelet që kanë bërë krime ndaj fëmijëve tanë, me të dashurve tanë por kjo po ndodhë krejt e kundërta. Por politika e paska kështu, jemi shoku jemi mbet në televizor duke këqyrë të shokuar. Na jemi prit kur po akuzohen kriminelet serbe që kanë bërë krime ndaj fëmijëve tonë”, ka thënë Komnova për “Infokus”.

Kujtojmë që sot është bërë e ditur se Zyra e Prokurorit të Specializuar e ka konfirmuar edhe aktakuzën ndaj, ish-presidentit, Hashim Thaçi, ish-udhëheqësit tjetër të UÇK-së dhe liderit aktual të PDK-së, Kadri Veseli.