Kryetari i Prishtinës, Shpend Ahmeti, ka thënë se Isa Mustafa sot ka deklaruar se ka humbur besimin në Gjykatën Kushtetuese, e cila njëzëri ka vendosur kundër kërkesës së paarsyeshme të LDK-së për zgjedhjet në Prishtinë.  

Ky reagim i Ahmeti erdhi pasi Mustafa tha se të shtunën, Shpend Ahmeti e shpëtoi Qeverinë, të hënën Gjykata Kushtetuese e shpëtoi Shpend Ametin.

“Po ashtu akademiku i nderuar paska mashtruar opinionin duke thënë se pas Kuvendit të shtunën, Gjykata ka vendosur sot kundër Abrashit. 

Ne e dijmë që Isa Mustafa plot një vit ju ka thënë simpatizantëve se Gjykata do të na “rrëzojë “, por më 23 janar asaj gënjeshtre i ka ardh fundi”, ka shkruar Ahmeti në llogarinë e vet në “Facebook”.

“1. Po e bashkangjes deklarimin e Isa Mustafës.

2. Po e bashkangjes edhe vendimin e Gjykatës Kushtetuese ku në vendim thuhet se Gjykata NJËZËRI ka marrë vendim më 23 janar.  

3. Interesant qysh në “meselen” metaforike Isa Mustafa i referohet komunës si pronë, sigurisht e LDKsë. 

4. Krejt në fund, sot Gjykata ka publikuar edhe vendimin e Istogut në favor të Haki Rugoves (LDK) e kundër Gani Dreshaj (AAK). Sigurisht për institucionalistin Mustafa ky vendim është i drejtë, por në rastin e Prishtinës është shitje e KREJT gjykatësve të Gjykatës Kushtetuese.  Marrëzi antiakademike'”, ka shkruar Ahmeti.

https://www.facebook.com/804297165/posts/10158192916757166/