Kryetari i Komunës së Prishtinës , Shpend Ahmeti, ka shprehur gatishmërinë që edhe ekipet emergjente të Komunës së Prishtinës të ofrojnë ndihmë për të prekurit nga tërmeti në Shqipëri.

Ahmeti ka thënë se shumë qytetarë janë lajmëruar për të ofruar ndihmën personale.

“Përveç ndihmës që po e ofron shteti i Kosovës pas tërmetit në Shqipëri ekipet tona të urgjencës në Komunën e Prishtinës dhe ekipet emergjente të Shërbimeve Publike janë të gatshme për të ofruar ndihmën e nevojshme. Shumë qytetarë janë lajmëruar për të ofruar ndihmën personale. Faleminderit të gjithëve!”, ka shkruar Ahmeti në llogarinë e vet në “Facebook”.

/Epoka e re/