Sasitë e para të vaksinave për koronavirusin kanë mbërritur tashmë nëpër vendet e Bashkimit Evropian dhe autoritetet po përgatiten të bëjnë imunizimet e para tek njerëzit më të ekspozuar duke filluar nga e diela.

Vaksinat e krijuara nga kompanitë Pfizer dhe BioNTech u shpërndanë me kamionë nëpër depo të premten dhe të shtunën herët. Ato u dërguan nga një qendër prodhimi në Belgjikë përpara Krishtlindjeve.

Shpërndarja e vaksinave shënon një moment shprese për një kontinent që përfshin disa nga vendet më të prekura të botës, si Italia dhe Spanja, apo të tjera si Republika Çeke, të cilat e shmangën valën e parë, por që përhapja e virusit në vjeshtë i vuri sistemet e tyre shëndetësore përballë një prove të rëndë.

Sasitë e para, megjithatë, janë të kufizuara në vetëm 10,000 doza maksimum për shumicën e vendeve. Vaksinimi masiv pritet të fillojë në janar.

Secili vend do të vendosë vetë se kush do të marrë vaksinat e para, por të gjithë po u japin përparësi personave më të ekspozuar ndaj virusit.

Të marra së bashku, të 27 vendet anëtare të BE-së kanë patur deri tani të paktën 16 milion raste me koronavirus dhe më shumë se 336,000 vdekje.

This picture on December 26, 2020, on the outskirts of Paris, shows boxes of Pfizer-BioNTech vaccines at their arrival in France in a central pharmacy and before being transported to hospitals in Sevran and Dijon. – France’s first doses of the…