Një shpërthim për shkak të një sulmi “me origjinë nga jashtë” ka ndodhur në një cisternë nafte në portin e Xhides në Arabinë Saudite, transmeton Anadolu Agency (AA).

Sipas informacionit të marrë nga burimet lokale, në cisternën BW Rhine me flamur të Singaporit që ishte ankoruar në ujërat e portit të Xhides në bregun e Detit të Kuq, ka ndodhur një shpërthim për shkak të një sulmi të jashtëm.

Në njoftimin e bërë nga BW Group thuhet se 22 anëtarë të ekuipazhit në bord i mbijetuan shpërthimit pa lëndime.

Gjithashtu, në njoftim u paralajmërua për rrjedhje të naftës për shkak të shpërthimit.

Arabia Saudite dhe rebelët Houthi në Jemen ende nuk kanë bërë deklaratë në lidhje me incidentin.