Visar Azemi, zyrtar i LDK-së, ka komentuar shpërthimin në Termocentralin A të KEK-ut.

Sipas Azemit, qeveria Kurti nuk ka ndërtuar asnjë kapacitet gjenerues i ri për energji.

Azemi ka vlerësuar se përmes këtyre avarive po rrezikohet jeta e punëtorëve.

“Avaritë në termocentralet tona, të cilat kanë kaluar jetëgjatësinë e tyre të parashikuar, janë të papritura dhe të rrezikshme. Përveç ndërprerjes së prodhimit, këto avari rrezikojnë jetët e punëtorëve, siç u dëshmua me shpërthimin e sotëm në Termocentralin Kosova A”, ka shkruar Azemi në “Facebook”.