Kryetarja e Kuvendit të Kosovës, Vjosa Osmani, ka reaguar për vdekjen e të riut nga Gjilani në Qendrën e Studentëve.

“Kosova dje humbi një të ri të shkëlqyeshëm, i cili me punën e zellin e tij ndaj mësimit e bënte krenar familjen, ndërsa nesër do ta bënte krenar edhe gjithë Kosovën”, ka shkruar Osmani në llogarinë e saj në “Facebook”.

Ajo gjithashtu ka bërë me dije se për këtë rast ka reaguar mbrëmë në rrjetin social “Twitter”, por sipas saj, medie të caktuar vendosën tituj: “Vjosa Osmani e vetmja qe nuk e ngushëllon familjen Musliu”.

“Natyrisht që kjo është një gënjeshtër e pastër, pasi që unë kam reaguar mbrëmë, pra para 23 orësh, në profilin tim zyrtar në ‘Twitter’, kurse sot ia kam përcjellë Komunës së Gjilanit telegramin e ngushëllimit, në mënyrë që ata pastaj t’ia përcjellin atë familjes. Por, atyre që dëshirojnë politizim e keqpërdorim edhe në raste të një tragjedie të tillë të rëndë për familjen e për gjithë vendin, nuk u intereson e vërteta. Më të rëndësishme për ta janë disa klikime të fituara mbi shpifje e sajesa në kohë pandemie, sesa e vërteta”, ka shkruar ajo.

https://www.facebook.com/VjosaOsmaniMP/photos/a.224957487666523/1670215903140667/?type=3&eid=ARDQwRQVD0guGS6mmA7uBKeUh72QHGRaJAdPKTRpk7qANApRNbsyoshgQ0FdlQCQvjIABpkBmZLwzap_&__xts__%5B0%5D=68.ARChJVyKBidmIsVFxnQUaTQiM_RFg19VQ1TGJsm4lefxVf8W8lKcE7xYlYCTQgxY5rM65HnH41x6_scBdeK3NsJ40R-t9vjRQvt_aMqCmdmzhse__O16I_k5QOygCzi4xRVG1PcCKJtUaFjLUmTktJrVctAmw3ffXABbpEJDuwZQxoQbm8KpwOaP1KS3iNqcCNMKm5Wbgtr_At2WGFN6UqStYgzhXdlyuRRnD88jpzjtfJVc1WBWoUxxhR9IqybHnZqWz37sILorzahE7ATHXanQSsR87fJwT1Uy712qIzv4b75akPI7uV174svTveEtvCzHhj_Pop4YB0rBtnE1s9ErWA&__tn__=EHH-R

(M.Q / Epoka e re)