![](https://www.epokaere.com/wp-content/uploads/2023/10/policia-4.jpg)
Shqipëri: Policëve do t’u paguhen orët shtesë dhe ato të prapambeturat
Policët në Shqipëri do t’i marrin pagesa për orët shtesë në vazhdim. Akti normativ ka hyrë në fuqi menjëherë.
Lajmin e ka bërë me dije ministri i Brendshëm, Taulant Balla nga një takim në Kavajë.
“Detyra e ministrit të Brendshëm lidhet drejtpërdrejt me trajtimin e duhur financiar të punonjësve të policisë. Kemi kaluar në qeveri një akt normativ ku i japim zgjidhje të gjitha pagesave apo detyrimeve të prapambetura me orët jashtë orarit, i cili hyn në fuqi menjëherë. Në ditët në vijim, për çdo orë jashtë orarit të punës do të kryhet pagesa dhe do ta ndjek personalisht. Unë e di që paga aktuale e punonjësve të policisë është shumë e ulët krahasuar me nevojat që ka çdo familje e një punonjësi policie. Me buxhetin e shtetit 2024, do të kemi një rritje, e cila ndoshta nuk është aq sa duhet, por është një hap i madh krahasuar me stadin aktual”, ka thënë Balla.