Pas zyrtarizmit nga UEFA-s me Shqipërinë e Serbinë që do të organizojnë së bashku “Euro 2027”, për U-21, ka reaguar kryeministri i Shqipërisë, Edi Rama. Në një status në rrjetet sociale, kreu i qeverisë u shpreh se finalja e kampionatit do të zhvillohet në arenën kuqezi të “Air Albania Stadium”.

“Mirëmëngjesi dhe me Shqipërinë e përzgjedhur nga UEFA, si një nga dy vendet organizatore të Kampionatit Evropian U-21 në qershor të vitit 2027, por që do të mikpresë finalen në arenën kuqezi të ‘Air Albania Stadium’, ju uroj një ditë të mbarë”, ka shkruar Rama.