Kombëtarja e Shqipërisë ka udhëtuar të dielën drejt Ishujve Faroe në kuadër të ndeshjes së tretë të kualifikueseve të “Euro 2024”, që luhet sonte (e martë).

Federata Shqiptare e Futbollit (FSHF) ka njoftuar se me skuadrën kanë udhëtuar në transfertë 24 lojtarë, teksa mungojnë portieri Simon Simoni dhe mbrojtësi Adrian Bajrami, dy lojtarët që nuk janë përfshirë në listën finale për ndeshjet me Moldavinë dhe Ishujt Faroe.

Në Torshavn futbollistët kuqezinj kanë zhvilluar një seancë të lehtë stërvitore në aneksin e stadiumit të ndeshjes, që ka shërbyer më shumë si një ç’lodhje për lojtarët pas një udhëtimi të gjatë.

Të gjithë lojtarët në dispozicion janë në formë të mirë fizike dhe atmosfera sigurisht është shumë e mirë pas fitores së rëndësishme të së shtunës ndaj Moldavisë në stadiumin “Air Albania”.