Avokati dhe ish-politikani, Azem Vllasi, tha se pas zhvillimeve në veri të Kosovës, kryeministri i Shqipërisë, Edi Rama, duhet të kërkojë që të mbahet mbledhje e Këshillit të Sigurimit, në të cilën do të diskutohej për sulmin terrorist ndaj Kosovës.

“Kryeministri Rama duhet të kërkojë që të mbahet mbledhje e Këshillit të Sigurimit për të diskutuar, njoftuar dhe për ta gjykuar ndërhyrjen e Serbisë që ka ndodhur të dielën në Kosovë”, tha ai për RTK.

Sipas tij, është shumë e qartë që prapa sulmit terrorist qëndron shteti i Serbisë. “Të gjitha faktet relevante janë se Serbia është e involvuar në këtë sulm terrorist ndaj Kosovës”, tha ai.